Carta abierta a David Rivas

Rempuesta al artículu espublizáu por David Rivas nel periódicu "Les Noticies" de 23.07.06 col títulu "Un añu decisivu".

Adios Igor, adios Carlos...y un fardaxáu de llamentos

Entereme el sábadu a mediudía. Y ye bien verdá que nun los conocía más que de vista. Pero llevo tola fin de selmana colos güeyos medio moyaos, sintiendo "Fayeos de Mayu" o "Tierra" una vez tres d'otra.

¿Y sabeis por qué? Porque los que tuvimos la suerte de crecer averaos a esta guapa causa de la reivindicación de l'Asturies que pudo ser... sabemos de la nobleza de lo que tenemos ente les manes, sabemos de la suerte de tener esti sentimientu d'amor al nuesu país.

Y que son munches derrotes , llárimes y disgustos, pero dalgunes veces, detrás d'una curva nun camín, o sintiendo un canciu... de Felpeyu mesmamente, asaltanos esa sensación de que tamos faciendo algo bono, heroico y sobretoo ... verdadero.

Por eso lloraba ayeri, ya inda güei lloro ... porque se que ente les notes de estos cancios van quedando cachinos de munches vides, y que son munchos años pa baxar del barcu..., y que estos sones ya son esencia mesma de nosotros.

La grana azul del futuru.. y la voz de l'alcordanza.

Gracies Igor, gracies Carlos, por regalanos eses canciones.

Ñaz el Requexu de les Discrepancies, como espaciu públicu d'opinión alrodiu de la realidá asturiana, europea, mundial ...

El Requexu quier ser esi espaciu au facer que vea la lluz esa crítica corrosiva que necesites soltar, onde asoleyar esi pensamientu que precises de compartir con daquién ... El Requexu quier ser como les castañes: con oriciu, pero útil por dientro. Constructivu.